دارميات من الالف للياء

دارميات

حبك مـلأ قـــلبي من الألـف ألى الـيـاء
---------------------------------------------------
(الالف)
اتونس على شفاك لو حركتهن انسى شتريد اتگول وانسى الگلتهن .
أرد اسأل العراف واهل القوافـي ليش الحجاب إيلوك للوجه صافي
أرد أسـأل العشاك ليش آنه مشتــاك نايم إبحضن إهـواي واشكي من الفراك
أرد انشدك وارجوك صارحني ياهواي تذكرني لوغصيت من تشرب المــاي
ارد انصحك يافلان هذي النصيحه عوف اتلف وادور حب الصريحه
احبك كل يوم اكثر و غلاك بداخلي يكثر وحال الكلب من بعدك زجاج وكع واتكسر
احبك واضل اهواك لاخر نفس بيه..ولوشفتك باخر نفس روحي ترد ليه
احبك وافتخر للدوم ويضل حبك فخر ليه احبك مو طمع وياك بس هذا طبع بيه
اصغير وخاف إعليك من شـــدة الاه اشلون احمل أنا افراك واصبر بلا اياه
اصغير وخاف اعليك من حضن امك ابقلبي وقول ابعيد جاوين اضمــك
انت العطش والماي وانت المشوفـه ورسمج وحق عيناج بالكاس اشوفه
انت الذهب يا ذهب والذهب منك غار يتمنى خادم الك وبيدك يصير سوار

انت اول الحلوين متصدر الكل حتى المرورة البيك هم حلوة تكتل
أتمنى كون أيصير لحدي أويا لحدك أو من يطلع الدفان أقعد وقعـــدك
اتمنى عندي جناح كل ساعه أمر بيك ..معذبتني هاي الروح بس تسأل عليك

اقعد واشب النار واتذكر وليفي وبحجة الدخان ابجي على كيفي
اقعد ابتالي الليل وادعي ابصلاتي ياربي بعد افلان شلي ابحيــــــاتي
اقعد يبعد الروح شوف شجرالي.. حتى الالي شمات يبچي على حالي
اقدر اسكت الناس وامك واخوتك قلي شيسكت اهواك لودره ابموتك
اوقف يبعد الروح اوياك الحســـاب سَافر أو جرحي اينوح ليهسى ماطاب
اعزك اكثر من الروح والروح الك افديها احبك واليحب مجنون كلي شلون تاليها .

امطشر بفركاك ولو شفتك التم..اشتصور اني انساك وبغيرك اهتم !!

أشكيلك من الشوك كاضيني كضيان *** ومن كثر نوحي عليك شالو الجيران

اصفن وسولف بيك كل فكري يمك هم تضن يوم انساك واتبره منك
انساني كون اتريد وانسه الهويته بس لاتطش بين الناس كلمه نسيته
اسال عليك الروح وين انته صاير دايخ وافكر بيك والكلب حاير
إشما تقول الناس عندي أنته الاول سو كلشي بالدلال يالحلو مخـول
اشمالك يبعد الروح لونك تغــير عندي خوات أهواي طب أو تخير
اصفن وسولف بيك كل فكري يمك هم تضن يوم انساك واتبره منك
انشدني عالحال حالي أعلى حـــــاله سمجه أوشحيح الماي وبظهري فاله
إرتجي إعله المكسـور حيل إردس الكًاع بالك تذل جدام شماتك إبســـــاع
اذا مشغولين ننتظر واذا زعلانين نعتذر بس اذا مو على البال ترة حيل ننقهر
احلمت اني هناك بالجنه حلمي اسمك طلع بالنار غيرته باسمي

اسمحلي احچي اوياك هيجني حبي ذب العلچ بالگاع واعلچ بگلبي
احمل وفى والطيب والرقه كلــــــها أوكل مشكله ابهالكون بس يمه حلها
أهلا وسهلا بيــك وكثــر بالوياك الكَلب قبل العين فز وتلـكَـــــاك
أنوح أو لاهلي يدرون بيه تموت الروح والعله خفيه
ادري احبابك كثار كل مطلوبي اصير منهم صدكني اني مو طماع يكفيني ولو اخرهم .
اليوفي مثل الثوب تصبح رفگته كلما قديم ايصير تكثر معزته
الاخو وقت الضيج ماينكر أخـته أوحان الوقت هاليوم ياخويا وقته
إلي تطلبه ايصير بس أمر انــته أو لاتعب الجلمات أشرلي سكته
الگلك انه انساك گله انته مجنون هم شفت دمعه تروح ترجع للعيون.
انهجم بيت العين هلكد وكيحه كلما يمر حليو تكلي صيحه

اريد احفر التبليط و ازرع بتيتة ليش اليحب حلوين ينهجم بيته

اليكولك اني انساك كله انت اعمه و انزله دك كلات وكسرله خشمه

احول حبيب الروح اثول مطفي لاكاني عين بعين باس الي بصفي

اطبخ وافكر بيك يا حلو العيون بالمركة اخبط جاي حسبالي معجون
احنة طبعنة الوفة ونسأل على الطيبين شما طال بينة الوكت نتذكر الغالين
أقبل صباح اليوم ابدنيتي هـــاي شلت الردا أوفزيت لن عيني بهواي
أطلب وقلك صار تامرني أنــــته عمري من أول يوم بسمك رهنته
الكلب يهواك اي والله بعده *** كل لحظه يفتح باب وانه الاسده

القلب لك ينادي والروح بعدك سراب كل الوجوه تغيب عادي وأنت غيابك عذاب
القلب قال أحاه ! قتله وجعــــــــــتين منهو الاجى أوعزاك من طقك البين
الدنيا بس أوياي صارت حريصـه أو من سلة المكتوب تطلع لي شيصه
الدنيا بس وياي شـدت عـــداوه ولا واحد إمن الناس لجروحي داوه

الدنيا ماتسواش لاتصفن إلهـا عالطيب والمزيون يكثر حملها
الدنيه للتهواه ترقص امفرعــه والماتريده ينوح لو خلص دمعه

الدهر بس وياي راكب إحصانــــه ويكًــلي وين إتروح جدامـك آنـه
الدهر شل يمناي شل يسرتي الــــــبين جابيش اصبر الروح بيش امسح العين

الدهر صاير چاي والدنيا قوري ... ليش اليحب يا هواي ينضرب بوري

(الباء)
بيدي أوقرضها الفار فجت عباتي كل هذا ماطخيت وامشي ابرهاتي
بيدي ادك الباب ما تفتحونه هيج العزيز يصير من تكرهونه
بيدك ضيعت ذيج الليـــالي وبلحظه ما أجى أبعينك دلالي
بالك تمر بالدار عنها أشمر ابعــيد دار العزيز اهواي نوح أوبجي اتريد
بالك تقول الاه ياخويا بـــالك كل التقوله ايصير روحي ابدالك
بسك ولك يالبين دقاتك أويـــاي أدقني وسط الضيق وتشمت اعداي
بالحلم شفتك طيف كحلت العيون نايم وأفكر بيك من أكعد أشلون

بي كي سي عد يمناك بساعة الضيك ...صدكني اخلي اعداك ما تبلع الريك

بطل وربع جريت كل قصدي انساك تاليهه بأخر بيك بالمزه الكاك

بشوفتك ترد الروح وبفركاك اتمرمر .. حجزتلك شقه ركن براس الكلب عالابهر
(التاء)
تمثال الك بالعين شايلتة الجفون..ونافورة منة وبي دمعات العيون
تمثال الك منصوب مابين العيون نافوره منه وبيه من دمع العيون .
تاج وتظل عالراس يامعدن الطيب لو غبت عن العين عن بالي متغيب
تيزاب أحط بالعين واعميها بجـــفاك خافن تصد للغير أوتنسى المضى أوياك
تضحك عليه ادريك بس حاله بيه اضحك واصير وياك واضحك عليه
تدري اشوكت هلروح من حبك اتوب ؟؟ من تسمع الشيطان غفروله لذنوب
تدري انه شتمنيت ساعة الشفتك كل جسمي شفه يصير ولزك بشفتك
(الثاء)

(الجيم)

جار البيوت يشيل و يمكن يسافر بس انته جار الروح وبالگلب صاير .

جيت ولكيت هواي غافي بمنامة حلك بحلك خليت مثل الحمامة
جيتك غفل يهواي تضحك لكيتك حسبالي تحزن دوم من فاركيتك
جاشلي بالخوان والماينفعـــــون عود أمن اموت أيجون ويا اليشيعون
جاوبني تدري الوقت بوقاته سكتــاوي موش أنته نبعة عشق بالحسن متغـاوي
چتفت روحي چتاف كل ضني انساك من روحي تطلع روح وتگلي اهواك .

جف يسرة عالدلال جف يمنتي اوداع ** بس يجفي أطيحن ميت ردوه الي بساع
(الحاء)
حبك يبعد الروح غير كياني .... اشرب عرگ بجفاك حسبالي راني
حاولت اصرف نظر وابعد وكول انساك ارجع وشوف العمر مايرهم بلياك
حسره الك بالدلال ظلت لما امـــوت مادرت حقها الناس صوابي بسكوت
حسره وحدرها احاه وبقلبي لــوعه كلما اضوق الزاد اركض وازوعه
حطيتك بسرداب وفوقه متر صـب اصبح الواشي وياك من ياكتر طب
حـط باللبن تيــزاب مجبـور أشربـه بس لا أشوفك يوم تمشي وي غربـــه
حقي من أحامي إعليـــج ياشجرة التيـن ماي الربيـــتي إعليه من دمعة العيــن
(الخاء)
خرسة التدك بالباب عمية التفك بيه مفتاحة عد مجنون خلة وشرد بي
خلاني حبك ليش ما اعرف النوم .... هايم نهار وليلل يوم أرده من يوم
خـل روحـــك إبعِـز دوم بالك تذلها ولا تطلب الحاجــات إلاٌ من أهلهــا

(الدال)
دوس على الجرح يهواي كل ساعة دوسة واخذ الكلب والروح وانطيني بوسة
دورلي فيتر زين من روحي مليت لا بدي لا رنكات بس شاصي ضليت
دورت كل الكون بس كون اشوفك انت العمر والروح وشلون اعوفك.
(الذال)
(الراء)
رفرفت مثل الطير روحي على ملكاك لايمي وافرح بيك ولااكدر انساك
ريته اليطيح ابضيج كون اخوه وياه اوكل مايقول احاه كلها اتلــــــــــقاه
رش الدرب تيــزاب حافي أعتـني لـك جا شـلي بالرجليـن الما تجي لــــك
روحي بوسط بستان محد سكاها لاغيم اجه من ابعيد مر بسماهه
روحين احنا بجسد شيفارك الروحين مثل الورد بالغصن مثل الرمش بالعين.
راح ارضه بفراكك بس عندي شرطين لو تمشي روحي وياك لو تاخذ العين.

(الزاي)
زين البخت وياك واصل لهل حد ... احفر كبر للمات كالو عدل رد

زاد يلغالي غيابك وانا متحمل عذابك راضي اسمع عتابك بس لا تهجر احبابك

(السين)
سباحه لك بالروح خضرى أوطريه تسقيها من تشتاق وتمر علــــيه
سبحانه من سـواك نص وجهك إعيــون إزغيــر سبيــت الناس من تكبر شلون
سبحان امن خلاك تقسي ابغرامك جانك اتداوي اجروح رقت كلامك

سلاني سل فركاك خلاني حاير..لليل افكر بيك واعلس جكاير
سواله صحبه اهناك واحنه انسينه راح وبعد هيهات يرجع علينه
سـلـم ولَو بالعين تكفي الإشــــاره روحي إبتلت بهواك .. سـويلي جـاره
سود العيون الزين والدم عراقي يمشي بثگل يا ناس وبي كل شي راقي
(الشين)
شمـاتي مو شـمات شمـاتي شمات بالكبر ويسألـون حي بعده لو مـات
شمـاتي مو شمـات شمــاتي إخـوتي حتى أمي يا هالناس تدعي إعله موتـي
شماتي موشمات شماتي اشرار بالكبر ويقولون ياربي بالنـار

شماتي موشمات شماتي ورطــه نصهم امن واجرام والباقي شرطه

شماتي موشمات شماتي خوتـي حته امي ياهل ناس تتمنه موتي

شمـاتي مو شمـات شماتي تسعه والعاشر إزغيرون يأشر باصبعـه
شامت وكًف عل الباب حاير شـــــكًـلـه أرتجي إعله المكسور لو دمعي إهله
شقيت ثوبي أعليك وصلته للنــص جاوين قلبك أوياي صاير مثل جص

شفت الضوه إمن إبعـيد كًلت إحتركًنه لمـن وصلت البيت لن ولفي عدنــه
شحجي وتريد الناس من عندي أحجـي دمعتي إبطرف العين بس أحجي أبجـي
شتظن عود انساك والليل انامه تفتر عليك الروح مثل الحمامة...
شما تبتعد هيهات تبعد عليه اتنفسك كل يوم يعني انته بيه.
شوفو زماني شلون من يأذي يأذي ..... خلاني شجرة موز بين الشواذي

(الصاد)
صدك مريضة الروح وشفاهه يمك تشفه وتطيب بساع من تسمع اسمك..
صح عدنه بان الشيب بس خضره الكلوب *** والعمر بيش ايفيد ابلايه محبوب

صحبتنة صحبت عمر خوتنة حد الموت يمكن اعوفك نعم؟ بس وانة بالتابوت
صكر التزامط ببيه صكر من الصكور يتعنة بالكلفات وجناحة مكسور
(الضاد)

(الطاء)
طقني أو طحت للقاع قلت اكتفى البين طقاني مره النور أوخر ضوى العـين

طلقات اسوي الروح و لفراكك احزن ...و كل ما تمر عالبال ارميلي مخزن

طلعت تطش الزبل و لمعن تراجيهه... و لوما اخوهه الخبل لاعبر و احاجيهه


(الظاء)
ظلمة اودرب عاثور لليلة شتى أوعت روحي اشتهت ملقاه عتتني لك عــت
ظلو اعزاز الروح محد مسحته امسحت بس الروح والباقي انته

(العين)
عمداً أمر بالدار والنـوح أزيــــده وأسمع صداهـا إيكًـول راح التريـده

عمداً أمر بالدار وأشبع مغمــه وابجي بجي المفطوم ومفارك أمه

عمدا ارد امر بالدار واشبع مغمه والمعتني الطيبات لوطاح شهمه
عروك الكلب تهواكم حبايب صعب فركاكم انيس الروح ذكراكم وين مندور نلكاكم
عبالي طيب زاد واعطيتك اعيون تالي توج النار ويا اليكرهـــون

علمني عالنسيان ارد انسى ضيمـــــك وي غيري قمره اتصير بس حصتي ضيمك
عود انة مثل الناس هم عندي بطة...راحت تغط بالماي والغطة غطة
عساك تعيش براحة وروحك دوم مرتاحة عسى درب الهنى دربك وقلبك تكثر افراحه .
(الغين)
غالي وتظل محبوب حد النهايه والزرع بيش ايعيش من يجف مايه
غصبن عليـه الروح آنـه الأذلهـا محتاج والحاجات ماهـمـه أهلهـا
غصبن عليها الروح جابتني اشوفك كفر عليها للوم بلجن تعوفــــك

غلاكم طاسة لبن تطفي لهيب الگيظ .. و حبكم ثريد و لحم ماهو طماطة و بيض

(الفاء)
فرفح جهازي عليك ثق هلهل الرام.. والشحن من دكيت يركص هجع كام

فيتر صرت يا ناس والعيشه كشره.... وين اليضب الروح بسبانه عشرة
فـــزيت من الصبح حسيت انته موجود مدري انته بالكلب مدري بروحي منحوت.
(القاف)
قلبي على طول وياكم عمري مراح انساكم وجرحي هو فركاكم عساني دوم وياكم.
(الكاف)
كون بسعادة وخير ليل اليمر بيك وشما تحب وتريد كون الله ينطيك

كون الكلب قانون واحكم حكم عام واحكم على الينسوك كلهم بالعدام
كون الكلب بيه رام مانمت مجروح حتى أفتح أبلوتوث وارسلك الروح

كون انكلب مفتاح جوه المخده وبحجت البردان ابوسه من خده

كون انگلب سنتات وابقى برصيدك من تغازل الحلوات اطفر واصيد

كون الجمال البيك يندار بيه كلما احن واشتاك اصفن عليه

كونك تجيني بطيف وتمر عليه حتى الفراش ايگوم ياخذ تحيه .
كلبي تركني وراح بشرني ماجاك فر مني صار اسبوع كالو تعناك
كـلبي أرد أكـصه إبموس وأكوي إبمكانه علمني إعله درووب كلهن مهـــانه

كلبي أرد أكـصه إبموس وبفاس أكطعه خلصها بالسختــات مالحك ربعـه
كلبي ارد اكصه ابموس واكطع وريده يبجي عله بنت الناس شنهو اليريده
كل ما أريد أنساك بسمك يصيحون....يتحرك الدلال وتهل العيون
كل دقج أعلى الراس بسج يدنياي مطقوقه باليافوخ ماشوفن احــداي
كل ما يجي الليل أذكر وفــــاكم واذكر محاشي الطيب وابجي أبرهاكم

كل لحظة افكر بيك واتمنى اشوفك تتبرة مني الروح لو ردت اعوفك .
كل ما ترمش العين تجي على بالي وانت احسب الرمشات شوف شكد انت غالي
كلمن يكول انساك صدكني جذاب حبك جرح بالروح ينزف ولا طاب.

كلمن يكول انساك انهجم بيته ... يضحك عليك الكال اسمك نسيته.

كتلك تفضل فوت كل قصدي للبيت شمالك دفرت الباب وبقلبي طبيت

گالوا حبيب الروح مل منك وراح گلتلهم الله وياه بس كونه مرتاح.

(اللام)

لو ترش مو تيــزاب لو تزرع ألغــام اللحم خلـه إيروح أوصلـــك إعظـام

لو غبت عني الروح احسبها شده واحرق ابدمع العين حتى المخده
لو فد سباق يصير ياهو اجمل الناس ونذب عليك تراب هم تاخذ الكاس
لو خلي يعطش يوم او مذبل الكيه اعصر عيوني عليه ومن ميهن اسكيه
لاتهتم على الراح وي همك الراح والعالي مو بالطول بالصبر ينلاح
لاتظن يوم انساك وانسة الاخوة بس الوكت غدار فاركنة كوة.
لا تظن غيرك يوم واحد عشگته ولو يوم احب اثنين هم انته وانته.
لاتسأل إعله الحال خلـيها سكته تسأل على المكتول والكاتل إنته
لانفع نصحي أوياك لانفع لــــومي أنا ادري مامحضوض راح ابقى دومي
لاواشي لانمام يبعدني عــنك بس النجف يهواي ياخذني منك
لاتعمن والعباس بسجن يالعيون ابجن وهمة هناه لوشالو اشلون

لاريدك ولااهواك ولاتجي تدگ الباب ناسينة من سنين هسة عرفتنة احباب
لاتهتم على الراح وي همك الراح والعالي مو بالطول بالصبر ينلاح
لا جرح لا جرحين لاطر واشلـــة *** ومامش درب للخيط عله أعله عله

لمن اشوف هواي يخدر شعوري .... خدرت بالفانوس حسبالي قوري

ليش الرساله وياي عندك خسارة ماظن خمس سنتات يبنن عمارة

لو مو ترش الدرب تيزاب لو تزرع ألغام ... لخلي اللحم طشار واوصللك عضام
للخوه ماقضيت شي ماقضيته حتى الصخر ياناس وتوسديته
للصحبه اهدي الروح وعيوني الاثنين والعمر فدوه يروح للصاحب الزين
ليش الفرح لحظات والهم ليالي هو الفرح ممنوع لو سعرة غالي
لنا في الدنيا ناس ذكرهم يرفع الراس من حبنا نرويهم وبمولدهم نهنيهم .
لاريدك ولااهواك ولاتجي تدگ الباب ناسينة من سنين هسة عرفتنة احباب
لحيمي ولگيته اينوص ولا عش ولا ريش ربيته خله وطار شنهو السبب ليش
ليل ورمي وطلقات والشرطه هوسه لزموني گالوا وين گلت ارد ابوسه .

(الميم)
ميت والمعزيات يبجن عيـــــاره طفن على التابوت راس الجكاره
ميت والمعزيات يبجن عيـــــاره ويرمـن على التابوت كَطف الجكًاره
ميت والمعزيــات موش أمهـاته مايبجـَن إعله المات يبجـن شماته
ميت والمعزيات مابيهن أمــــه وحده التشـتم بيه وحـده التـغمه
مقصر تراني وياك وشلون اجازيك لو بيدي وسط الروح افرش واخليك .
مقصر اني وياك وشلون اوافيك لو بيدي حتى الروح ارسلها واراضيك.
متعجـب المهمــوم يشرب جكــاره كًلبي بكثر ما نــوح تجويـني ناره
متعجب بدنياك جرحتك مــره منخل اقليبي صار بيه العمه يقره
من كثر ما مشتاك خبلت نفسي... اشرب نفط بالكوب حسبالي ببسي

من كثر ما مشتاك صرت اني مخبول.... اتفرج الاخبار حسبالي كعبول

من كثر مامشتاق وحبك بنفسي ... وكفت الامريكان حسبالي تكسي
من كثر حر الضلع أحترقن هدومي وتسعين ناقة وجمل ماشالن همومي
من كثر ما مشتاك يمكن انجنيت...اكل بصل مثروم حسبالي جكليت
من تبعد بممشاك گلبي يتفطر غالي بغلاة العين و شوية اكثر
من عمري سبع سنين ماضكت كل نوم متعجب من تگول ما نمت چم يوم..
من جمالك كلها توكف واني كاعد مستريح مو لأن ما منتبهلك لأن بس اوكف اطيح
من ارسل الكلمات ما تشفي الجروح كون من ادوس ارسال ارسلك الروح.
ما ننسى غوالي الروح والسبب معروف للعين صارو ضوة وغيرهم ابد منشوف.
ما تدري بيه نار رحت وعفتني ... عيوني هجرهأ النوم من فاركتني
ما ناسي اليعيدوني رسمهم دوم بعيوني اني بخير كل عمري اذا لحظة يذكروني..
ما يهز گلبه الشوگ ! شوما يجيني ؟ ... يمكن طلع بذات لو گلبه صيني

مو تاجر انه احزان تاجر محبه والكلب لو ينساك والله اذبه

مو من مرض ونيت من كثرالفراق صدقني قلبي عليك كل لحظه يشتاق
معروفه كًاع الطيب يثمر شتلها الطيبه والمعروف انتم اهلها
مهما تعذب الروح أصبر وحبك وأزحف زحف مصيوب وأمشي أعله دربك
مدري شجاني الليله حنـيت واتقلب أعلى النار فريــت
مبخوت أضل للشيب يافلان أذكـرك أوينكرني نور العين من كون أنكرك
مجنون بيك اعترف وبروحي ضميتك : ومن دون كل البشر بس انتة حبيتك.
معزتك قصيده نورها من نور وجهك ريحها من طيب ذكرك اما حلاها من حلا طبعك.
مفتوحه بس متشوف غيرك عزيزين ومغمضه وتحس بيك وتشوفك العين

ملهوفة هاية الروح محرومة يهواي تاركها تعطيش ليش وبشفتك الماي


(النون)
نارك يخايب ماي مومثل نـــاري اومن يطري بيا الشوق يحترق جاري

(الهاء)
هاك القلب والروح وعيوني اخذهن دوم الك مشتاكات خلصني منهن..
هـاك أبرتك. .و الخيـط خويــه إمش عنــي لو بـيـــه أشل إجروح .. جان أشل ذنــي
هاك ابره هاك الخيط خويه ارد اكلفك امقطع الدلال شله على عرفـــــــــــك

هاك أبره , هاك الخيط خويـه أرد أكلفـك أمسرد الدلال شــله إعلى عـرفــــك
هاك ابره هاك الخيط كوم امشي عني لو بيه اشل جروح جاشل هـــــــــذني

هاك استكانة جاي أشرب عوافــي أو دزيته لك مخصوص يامايه صافي
هاك ابرتك والخيط هــاك امشــي عني *** لو بيه اشل جروح جنت اشــل ذني

هاكَد قساوة شوكَـ شايلها كَلبك ..؟ *** بالدنية جا شيصير لو كَتلي احبك
هامسى أوها مصباح باجر يشيلـون اورجلية شالت طين من دمع العيون
همــك .. وهم الناس .. وهم هم الأيـام وفوكــاها هم العين ماتقبل إتنـــــام
همــك .. وهم الناس وهم هم الهموم لو وحده منهن بيــك ماتكًدر إتكـوم
همك وهم الناس وهم الله فــــــوكـه صاحت عليــه الناس جن عندي بوكــه

همي الليالي اتعود واتعاتب أوياك احجايه للشمات خلاني فرقــاك
هم حلو .. وهم إزغيــر .. هم أزرك عيون بس بيه طبع مو زين من يوعد إيخــــون
هاك استكانة جاي أشرب عوافــي أو دزيته لك مخصوص يامايه صافي
همي الليالي اتعود واتعاتب أوياك احجايه للشمات خلاني فرقــاك
هم حلو .. وهم إزغيــر .. هم أزرك عيون بس بيه طبع مو زين من يوعد إيخــــون
هم مثلي تصفن حيل وتهتم بالفراك صدكني اوصل لحد الموت من الك اشتاك...
وينه اليخَيـطْ العين ويفكني منهـــا كل ما تصد للدار يكثر حزنــــها
وينة اليلم اجروح روحي الحزيـنة؟ ويشلهـن بعطــاب من رمش عينة
وحدي ابنص الليل بس حيرتي أوياي أبجي أعلى وقت الراح واتنطر الجاي

ويا النجم سهران وايدي أعلى خــدي الليل أوظلام الليل شو كلها ضـــدي
وك هم تظن انساك وهم انسى رسمك ؟ اسمي الثلاثي انساه وما انسى اسمك
وحق بغداد والبيها حياتي وياك اكضيها حبك ما سكن بحشاي فتح روحي وسكن بيها..
وين البخت يفلان وتكلي مبخوت ... صرت اشتغل دفان محد رضى يموت

(الياء)
يسألني البطران ليش وجهك اصفر مايدري على المحبوب قلبي تفطر
يسألني البطران ليش راسك اقرع مايدري على الحلوين شعري تشلع
يسألني البطران تشرب عرق ليش هم سقم هم فراق هم لوعة الجيش
يسألني البطران اعربلي كان حسباله مثل العام عقلي بمكانة
يسألني البطران حالك إشلونــه الغاضب الله إعليه هم ينشدوونـه
يسأل عليك الكمر كل مايريد يغيب حبك مرض بالكلب هيهات بعد يطيب.
يوسف يكص جفوف جان بجماله ووجهك يكص كلوب لو هل هلاله
يالردت عني اتروح خليلي صبرين واحد يصبر الروح والثاني للعـــين
يالتسوة نوحي عليك يالتسوة العيون عشرتناشجرة وماي نتفاركً شلون
يلتمشي حرشة على الجرح بسك ولك اذيته مو كافي عذبت الكلب بأخر نفس خليته .
يا طيبين الذكر محلا لقياكم غبتم عن العين وصعب القلب ينساكم .
ياعازة الخوان عازتها عــازه والماوراها صياح وحشه الجنازه
ياماخذين الولف اوليفي وريد أويـاه مانام لليل الشتى أومقدر على فرقاه
يالتون تالي الليل سمعني حسك لولا القلت والقال لعبر وونسك
يا صاحبي ماانساك حتى بعد الف عام وعام واذا مريت على القبر تراني اتحرك عظام
يمكن علي زعلان واتمنى زعلان اهون زعل كل يوم من لحظه نسيان
يحن كلبي لسوالفكم وفكري دوم يذكركم يلي من العسل دمكم عساني منحرم منكم.
يا طير لو هاجرت وصل سلامي وياك كله اليحبك وفي للموت ما ينساك..
ياماخذين الولف اوليفي وريد أويـاه مانام لليل الشتى أومقدر على فرقاه
ياربي سترك رفت العين واحبابي مو يمي بعيدين
يالردت عني اتروح خليلي صبرين واحد يصبر الروح والثاني للعـــين

يكفي حبيب الروح يكفي بواري...أسست نص بغداد مي ومجاري