احلى الابوذيات
[الالف]
احب طولك واحب عينك ورمشاك واضل طول العمر امشي وره امشاك
اذا تكطع مراسيلك ورمشاك اسويها معارك طائفيه
احبك من صغر عودي وسني ومن حبك سقط شعري وسني
على حالي بچه شيعي وسني وثالثهم مسيحي يون عليه
احبك وحب ما ينوصف وصفة وكلبي عليك اصفة من الذهب واصفة
شلة الدكتور يكتبلي وصفة مادام شفايفك صيدلية
احبك لو تنكلب دنياي هم على هم.احبك لو عيني تدمع بدل الدمع دم
احبك لو ماعاد جروحي تلتم. احبك اكثر من ام بطفلها تهتم
اريد اصعد جبل حمرين مكلوب وعلى الي ناثرات الشعر مكلوب
يبيت الماجنة الحلوات مكلوب لغمة كل صباح وكل مسيه
اريد الزم خدودك واشتمنه... واريد انعل عدوك وشتمنه
تدري شراد قلبي وشتمنه...على صدرك انام الليل وهاي هيه
الوكت بيده لزم روحي وشرهه بنص وادم ولانعرف وشرهه
بمزاد يريد بيعته وشرهه شرتهه ومارضت جيفن ابيه
الوكت مانشف عيوني وشرهن وطحت بالغاسق الواقب وشرهن
رهنت الروح لودادك وشرهن بعد بس كاع كبري وموش اليه
انه الما دورت شهره ولامال ومعاف الصبر كلبي ولامل
بعلو النجم راسي ولامال عراقي الدنيا الويهه بديه
انا الصياد وصادتني شبكتك دخيل الله شكد حلو شبكتك
ادك عليك مشغول شبكتك اظن مغلق جهازك بس علية
الك حن الگلب يسمر والك مال وذاب الگلب من هجرك والك مال
لآني ناجح بحبك ولاكمال ولا راسب واكلك حيل بيــه
الك بايع دليلي وانته حربي اموت انه بجمالك وانتحر بي
وفجر كلمن يحبك ونتحربي لان مخصوص حبك بس اليه
الگلب من ساعة الحبك هلك ليش احچي اوياك ما تحچي ها لك ليش
اقتنعو كل هلي ابحبك هلك ليش ما قنعو ابحبك ليش لية
الصديق اللي نشوفه نقي ونظيف... نود كل يوم نبدي اعليه ونضيف
على طيبه نجمع طيب ونضيف... بكثر معنى الحـروف الابجديه
الدنيا شما احبها وأبرهـا …تزرفني بمخايطها وابرها
جاعت ناقتي واكلت وبرها...الدرب طويل وأخاف ترد علية.
الف وسفة الوكت عنك بعدني اموت وراتجي وصلك بعدني
تراني عالعهد باقي بعدني ويظل هذه العهد للموت بية
البجي خلص على دموعي وشلهن وحرت شلون الملم جروحي واشلهن
اعوذا بالدحى خيبرواشالهن يحفظك كل صباح وكل مسيه
اليالي كثر باطلهن وشرهن وبعد مااعتب عليهن وشرهن
شبيعن لليداعيني وشرهن البقن بالدار كلهن موش اليه
اسئلك لو تحبني .. شا طراني واكـرهه الذي بحبك .. شاطراني
خذت مية بمحبتك .. شاطراني اذن غصبن عليك اصير الية
امرضت انه وصعد مرضي على شفاي طب لندن بية مانفع على شفاي
حبيبي من تحط شفتك على شفاي اكيد اصحة ومارض ما يظل بية
احين لك فرص ان لم تحن لك... واحن عليك مثل لم تحن لك
اذا ماقاري صدك لأمتحن لك... واجيب بكل درس امتحنه ميه
اكتبلي شما ردت واردلك...بساتين بوسط قلبي ورد إلك
اروح وابتعد وازعل وارد لك...لإن القلب بيدك مو بيديه
افرح لو شفت وجهك وسر بيه وحبك بالكلب ثابت وسر بيه
شماطال الدرب امشي وسر بيه واجيب الروح لعيونك هديه
ارضعتني الدنيه همه من نهدهه طحت والطيحه من اهدهه
والله بصدري حصره مناهدهه ابجي المن صخر كلبه عليه
أزعل يا وطن وارجع اراضيك وحن بغربتي لناسك واراضيك
بغير الفرح صدك ما ارى ضيك واذا مَرك حزن احسه بيه
انت اعز مخلوق بالدنيا لذاتي ومرار تصير بفراكك لذاتي
يكبر شوك البكلبي لذا اتي ازورك وانت ماتسال علية
اكوم إجلالا لحسنك واقف لك واسجل كلبي ياخلي وقف لك
واحطك بي واقفلنه واقفلك واطب بصدري واقفلكم عليه
اشد حبل الوصل والكها محتل...بسبب لن التريده الروح محتل
سكن قلبي ورضيت يكون محتل...وجبتله الكرسي ريسته علية
احارب من يضد شخصك وعادي...وابد وياك ما اخلف وعادي
كلشي ايهون صدكني وعادي...بس فركاك مو هين علية
احبة وما احب واحد بدالة وياذنب البدة مني وبدالة
الك منصوب بكليبي بدالة خطك على النبض يشتغل بية
الج بس انتي گلبـي .. ورجيته ***ودمع العـين يمـچ .. ورجيته
ابتعد كلمـن نخيت والرجيته ***ولا واحد اجانـي وحن علية
اشرفنك على العالم وفضلك***ودمعي ماجرى لغيرك وفضلك
انا متذكر بعض طيبك وفضلك***اشكرك كل صباح وكل مسيه
أكل للناس ابد ماعيش لو لاه***تعال اغفه علزندي ونام لو لاه
تدري انت شغلاتـك علئ لو لاه***ابغلاتـك ياحلـو غالي علية
التحبه العين روحي تريد وصله***ولا انشد عمامه منين وصله
اخذ كلبي بلهيب الشوك وصليه***ويعوضونك هلي لو علت بية
الف وسفه الدهر عنك بعدني***اموت وارتجي الوصلك بعدني
ترى اني عل وصل باقي بعدني***وتراك انته الهوى والروح الية
امر عالدار واسمع ونه بيها***جميع عضاي صارت ونه بيها
الناس تصوم لألله ونبيها***واني اصوم لآبو افعال الرديـــه
اريد الزم ارموشك وكحلك***خافن ترمش لغيري وكح لك
دايخ بالخصر داير وكحلك***خصر تفصال تتكلب علية
الكمر دنك يحب ايدك ولك مال***ودليلي مزاعل الدنيا ولك مال
امتحنت ومطلعت راسب ولا كمال***شاطر بالوفه وخذت ميه
اكتبلي شما ردت تكتب واردلك***بساتين بوسط گلبي ورد . لك
اروح وابتعد وازعل واردلك***لآن الگلب بيدك مو بديـــه
