قصيدة بصوت ماجدة عراقية
شاعرة تنتمي لتراب العراق
صدح صوتها من زاخو للفاو
انها
ملك كآوان
أبكتني بالقائها.. وهتف لها جميع من كان يستمع لألقائها للقصيدة في احدى المهرجانات الشعرية
التي أقيمت في كلية الادارة والاقصاد في جامعة الموصل
ابدي بسم الله وأهديكم تحية وجوني باشي من جبل سنجار للحلوة أمقصر
جوني باشي. من روابي دهوك لنخل السماوة للسعف والجمار واعثوك التمر
جوني باشي من أبو الحلوة هديل.. جوني باشي من أبو الحلوة سمر
جوني باشي من ملاك وكردي اسمه السليفاني افزع لهَولير وافزع للحضر
(جوني باشي) كلمة كردية معناها شلونكم زينين
(هَولير) مدينة عراقية في كردستان العراق
منين ابدي ياوطن وأنت العراق وأنت منهو الماكتب عنك شعر
منين ابدي ياوطن وأنت الجريح تأن رغم مابيك انك منتصر
منين ابدي ياوطن وما عرفتك شيعي سني ولا عرفت الله ماكَرّم عمر
وما عرفت الله ما كرم علي,, نعرف أهل البيت من ذمهم كفر
حاولت اكتب احبك ياعراق ونزلت دموعي على الورقة حبر
نزلت دموعي بألم فوق السطور من شفت جم جثه مشتاقة لقبر
ومن ذكرتج ياعبير وأنتي طفلة ماتت بلا ذنب مهتوكة ستر
شككت بيدي الورق واقسم يمين شما يضل بيه نفس لأحرك همر
من عاش غربة بوطنْ؟ ومن بيده خاط الكفنْ
ومن بيده شد الجرح واحتاريشكي لمِنَ
بيا مذهب ويا شرع صار القتل بي فنّ
ويا اخو يقتل أخو وقلب الغريب يحن
مو جان أخوك بوكت يشفي الجرح لو عنّ
جرحك ويهزك ألم يمك ويشيلك سفن
تعبر ابحور الدمع بعيون ماظن بجن
سنيه أني واخويه شيعي من كربلا دمي ويه دمه أنعجن
وبزاخو كردي إلي وبدهوك بيتي لأن
من هجروني الفرس مارحت للأجنبي اختاريت كل المدن
وبغداد بيتي تضل لوأغيب عنها قرن
أني عراقية وأخويه الأسد احمد وطه ومعن
وحسين ومحمد والكرار ويه أبو الحسن
والعاش بالمعتقل ماهمه يوم السجن
قضبان سجنك ورق سَجّانك اشكد لعن
يوم إلي رجله وطت ارضي وبيه اندفن
زينَّوا شارب بَكر وهانو آخيته وسن
وكتبوا إرهابي عمر واني ضربني عفن
بس ما مَحو ديني وهويتي وماصاب قلبي وهن
أحيا وأموت بأرض ..بيها الجهاد أنسَنْ
ارض الحسين وعلي حيث الغضنفر يأنْ
والأبي يبقى أبي ماترمي رأسه المحن
ها ياعراقي شعجب ميّك زلال وأسن
ها ياعراقي العرض ينتهك باسم الدين
وين الرجال التي جانت بنظرة عين
تلوي عَوادي الزمن صدام ابن حسين
أهلك ياموصل عَلَم ساري صلاح الدين
من صار زود الزلم عجنوا الدم بطين
وعاهدوا يبقى الوطن والعلم واحد يا عراااااق وما يصير أثنين
