أضحك حبيبي علم الناس وشلون
ضحك الورود إن كان صافي مزاجه
خل الزعل وإن كان والله بيمون
على شفاتك قلت يالله إنفراجه
وقف على حد الزعل طالع بهون
وجهٍ تغير فيه لويــةْ ... إحجاجـــه
يالعنبو دمـعٍ تغـشاك ... ملـــعون
يقلب عليك النفس عقب إبتهاجه
من بين كفين الزعل جيت محزون
وصاحت معاليق الحشي بحتجاجه
والقلب ضاق وصرت يانبض مرهون
بين إبتسامة صاحبي وإنزعاجــه
تكفي حبيبي وإترك الدمع لعيون
بعض الوجيه اللي عليها سماجه
إضحك حبيبي خلني طاير بكون
عقب العقل منصاب فيني إرتجاجه
ماهمني لو قالوا النــاس مجنـــون
دامك تبسّــم مالي بالعقل حاجـه
