يالوعة الـــــــــمشتاق من زايد الشوق
ما يطفي نار الشوق الا مشعلها
الشوق من اجل الحب بالجوف مخلوق
نبعه وله لقصه غايب بـــــطلها
******
*****
****
***
**
*
جيتلك مشتاق يالحب الوحيد
وهاجس المشتاق لبا من دعاه
جيتلك مشتاق بحروف القصيد
لو كتبتك جرح من غيرك دواه
جالك المشتاق من دربٍ بعيد
حتى جمر الشوق من اللهفه وطاه
ان وصفت الشوق خذ علمٍ وكيد
مثل بيرٍ عذب يروي من ضماه
وان ضميتك شوق ماشيٍ يفيد
غير قربك ما روى عطشي سواه
يا غرام القلب يالحظ السعيد
يا جروح القلب ويا بلسم دواه
ترى حبك خلا كل ايامي عيد
لو فديتك كل عمري ما وفاه
والغلا في داخل الجوف لك يزيد
من غلاتك قلب خلك مو معاه
يجري حبك من وريد اليا وريد
صار يجري مع الدم من غلاه
كن عمري من هواك اصبح وليد
وابتدى عمري من ساعة لفاه
ما اعيش العمر في حبٍ جديد
ما يريد القلب في الدنيا سواه
******
*****
****
***
**
*
كل عام وانته بخير ياعيد الاعياد
كل عام وانته الحب في وسط داري
والله الغلا في داخل الجوف لك زاد
وكني احسه في عروق الدم جاري
******
******
******
