يا عيد تكفا تمر بشوفة الغالي
الحب والشوق والذكرى تناديله
اعشق خياله وهو دايم على بالي
واحفظ مع الوقت طرياه ومراسيله
الله يعلم بعد فرقاه وش حالي
ولا البشر لو دروا قالوا يا عزيله
ما يرحم الجرح وعيون الهوى سالي
يا كود من جرب الحب وغرابيله
سلام ياللي احبه اول وتالي
وش قيمة العمر دونك صبحه وليله
الله يفرج علي في ضيقة احوالي
ويفزع لجفنن سهر بأعذب مواويله
ان قلت هانت اشوفه بين الازوالي
وان قلت بنساه صاح القلب حبيله
الظرف وايامنا والحظ لا مالي
ما ينفع الطب ولا فكرة الحيله
الله قسم لي عنا ما دمت بحتالي
ولا طحت يا ويل عمري والغلا ويله
ما تنفع الامنيات وراسي العالي
وما ينفع الدمع لا بللت منديله
ما ينفع الا لقااه بصحصحن خالي
مع مغرب الشمس يحكيلي وانا احكيله
وش حال دنياك ولا كيف الاحوالي
وش لون حبي عسا توك لي تشيله
واسمع جوابه وهو عينه على عقالي
من حسرته فاقد عقالي وتمييله
يقول يا كبر ضيمي يابري حالي
وش لي بعد صدتك فالوقت واشكيله
عوض احبك وشفت ببعدك اهوالي
والصبر يا دنيتي عجزت محاصيله
يا طول صمتي مع الاشواق بلحالي
اسولف لحظي العاثر وانادي له
وما فيه غير الشقا والبعد والصالي
تهاملوا في غيابك كنهم مخيله
هذا جوابي وهذا يا عوض فالي
وين النصيب انتظر فرحه واغنيله
يارب يارب شبر ومتر واميالي
تكتب لنا عشق ما تقصر مواصيله
واسعد بلقياه وانسا خوة ظلالي
واطير من فرحتي ولهان واجيله
هذا الرجا فيك يا معبود يا والي
تنهي عنا العاشق المغرم وتاويله
