هاي اشلون الحلوين اليوم جايبلكم وجبة لخ مال ابوذيات انشالله تعجبكم حبايبي
هموم الناس نُصّ حكَه وأنا مَنْ
وحياتك ماغمض جفني وأنامَنْ
متى تظهر يابو صالح وأنامَنَ
وجدك ضاكت الوسعة علينا
يـالجِنتْ مثل الكًمَـر تضوي وتشع بسماي
لو ردِت تحجي الصدك تحلِفْ قبـِل بسماي
هسـٌه تشـوف الدمع من ناظري بس ماي
شجاك شغيّرك وك يااقاسي عليّه
عيونه كبل اشافه شتمني
وعكلي الجان ثابت شتمني
انهجم بيتج يروحي شتمني
تمنيتي الذي يصعب عليه
منو مثلي مها بالروح وبراك اخذجسمي بنحول اعليك وبراك
منهوا الحاكمك ياترف وبراك
وان ديتي عليك تصير هيه
أريد أصعد جبل حمرين مگلوب
على إللي ناثرات الشعرمگلوب
يا بيت إلماحوىالحلوات مگلوب
لغمه بكل صباح وكل مسيه
وقيمه اريد انصب عزى الكم وقيمه
وجيبلكم جدر تمن وقيمه
بفضلكم ماظلش قدر وقيمه
بس جوقاتكم عمت عليى
القلب عاف البشركلهم ولك راد
مشى مسافر تذكركم ولك راد
عرب ما طيبوا علتي ولك راد
دواي انت يهل مبعد عليا
يناهي لاتشد بالراس وبره
تظن منك دليلي يسل وبره
أنا جم دوب أكد للظعن وبره
الظعن و أهل الظعن شحوا عليه
القلب عاف البشركلهم ولك راد
مشى مسافر تذكركم ولك راد
عرب ما طيبوا علتي ولك راد
دواي انت يهل مبعد عليا
سروا وأنووا ظعنهم وين يردون
ضمايه ومن دموع العين يردون
لون أهلك حبيبي نجم يردون
أجيبه وابد مايصعب عليه
بجد ابي رايكم
